Doganat thellojnë bashkëpunimin me BE-në për modernizimin e sistemeve të kontrollit

Drejtori i Përgjithshëm i Doganave, Besmir Beja, zhvilloi në Bruksel një seri takimesh me drejtues të lartë të DG TAXUD në Komisionin Europian


Reforma doganore dhe përafrimi i administratës shqiptare me standardet e Bashkimit Europian po vijojnë me fokus te modernizimi i sistemeve, forcimi i kontrolleve dhe rritja e kapaciteteve profesionale.

Në këtë kuadër, Drejtori i Përgjithshëm i Doganave, Besmir Beja, zhvilloi në Bruksel një seri takimesh me drejtues të lartë të DG TAXUD në Komisionin Europian, ku u diskutua progresi i Shqipërisë në fushën doganore dhe hapat e ardhshëm në funksion të procesit të integrimit europian.

Gjatë takimit me Drejtorin e Përgjithshëm për Taksat dhe Doganat në Komisionin Europian, Gerassimos Thomas, Beja prezantoi ecurinë e reformave dhe prioritetet e administratës doganore shqiptare. Diskutime u zhvilluan edhe me Philippe Duponteil, Drejtor i Shërbimeve Digjitale për Politikat Doganore dhe Taksat, dhe Matthias Petschke, Drejtor për Doganat në DG TAXUD.

Një nga çështjet kryesore të trajtuara ishte drafti i ri i Kodit Doganor, i cili ndodhet në konsultim publik. Paralelisht, Shqipëria ka nisur zbatimin e strategjisë për zhvillimin e sistemeve të teknologjisë së informacionit, me synim përafrimin e tyre me standardet dhe kërkesat europiane.

Në takime u diskutua edhe forcimi i analizës së riskut në kontrollet doganore, zgjerimi i kontrolleve aposteriore dhe masat për rritjen e sigurisë së tregut, krahas investimit në kapacitetet profesionale të administratës.

Drejtuesit e DG TAXUD vlerësuan progresin e arritur nga Doganat Shqiptare dhe theksuan rëndësinë e vijimit të reformave në kuadër të përgatitjeve të Shqipërisë për anëtarësimin në Bashkimin Europian.

Bashkëpunimi me institucionet europiane synon të mbështesë një administratë doganore më moderne, të digjitalizuar dhe të harmonizuar me praktikat e BE-së, duke kontribuar në lehtësimin e proceseve dhe forcimin e kontrollit dhe sigurisë në kufijtë e vendit.

Burimi ATSH

Lexo më shumë nga

30% të tatimit mbi fitimin, Gonxhja: Projektligji i sponsorizimeve në sport e kulturë, partneritet mes shtetit dhe biznesit

Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

30% të tatimit mbi fitimin, Gonxhja: Projektligji i sponsorizimeve në sport e kulturë, partneritet mes shtetit dhe biznesit

Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të…