Në çdo çast, qielli është i mbushur me mijëra fluturime, dhe është detyra e kontrollorëve të trafikut ajror të sigurojnë që çdo avion të udhëtojë në rrugën e tij, i sigurt, drejt destinacionit.

Me një koordinim të përsosur dhe një vigjilencë të pandërprerë, janë ata që mbajnë në kontroll hapësirën ajrore, duke garantuar sigurinë e pasagjerëve dhe të aviacionit global.

Sot, në Ditën Ndërkombëtare të Kontrollorëve të Trafikut Ajror, Autoriteti i Aviacionit Civil nderon përkushtimin dhe profesionalizmin e këtyre individëve, të cilët, përmes vigjilencës dhe koordinimit të saktë, mundësojnë fluturimin e sigurt dhe të besueshëm të miliona pasagjerëve në çdo cep të botës.

TIA mbetet porta kryesore ajrore që lidh Shqipërinë me botën, duke ofruar më shumë mundësi udhëtimi për një numër gjithnjë në rritje pasagjerësh.

Numri i pasagjerëve që kanë kaluar përmes Aeroportit të Rinasit, gjatë periudhës janar-gusht shënoi rritje me 9%, duke arritur në më shumë se 7,8 milionë pasagjerë.

Gjatë kësaj periudhe u realizuan 42 462 fluturime me një rritje prej 2% krahasuar me 8-mujorin e 2024.

Nga Tirana u fluturua drejt 137 destinacioneve.

Burimi ATSH