Kryeministri Edi Rama deklaroi sot nga Nju-Jorku se Shqipëria ka sot aeroportin më të madh në rajon dhe aeroportin me rritjen më të lartë në Europë prej shumë vitesh.

Në fjalën e mbajtur në mbrëmjen gala të organizuar nga Këshilli për Marrëdhëniet Shqiptaro-Amerikane në Nju-Jork, Rama solli në vëmendje faktin se sa shumë ka ndryshuar përgjatë këtyre viteve Shqipëria.

“Aktualisht na duhet të përballemi me një fakt shumë të thjeshtë, që askush nuk ta falë suksesin. Është viti i pestë ose i gjashtë që ne kemi aeroportin më të madh në rajon, duke qenë shumë i madh jo vetëm në terma relativë që është aeroporti me rritjen më të lartë në Europë prej një sërë vitesh, por po kështu edhe në shifra absolute”, shtoi Rama.

Sipas tij, Aeroporti Ndërkombëtar i Tiranës ka më shumë udhëtarë se aeroporti që ka qenë gjithmonë më i madhi në rajon, ai i Beogradit.

“Dhe do të vazhdojmë, sepse është vetëm fillimi. Sigurisht kjo nuk është shumë e thjeshtë që ta përtypin të gjithë. Kush jemi ne? Kush është Shqipëria që të jetë e aftë të rritet e të tregojë një të tillë kapacitet e aftësi për ndryshim?”, tha Rama.

Sipas tij, ka forca që nuk kanë qejf të na shohin kështu. “Nuk po përpiqem të them që
nuk kemi mangësi e nuk po përpiqem të them që nuk kemi probleme”, shtoi Rama.