Rekrutimet në Forcat e Armatosura vetëm në fazën e parë të vitit 2025, janë rritur me 67,1%.

Ministri i Mbrojtjes, Pirro Vengu u shpreh sot se, nëse në çdo fazë të rekrutimeve në vitin 2024 mesatarja e regjistrimeve ishte 237 ushtarakë, vetëm në fazën e parë të vitit 2025 janë regjistruar 353 të rinj e të reja, një rritje prej 67,1%.

Gjatë fushatës së fundit janë ulur gjithashtu me 6️4️,3️% vakancat dhe, rrjedhimisht, largimet krahasuar me mesataren e vitit 2024, theksoi ai.

Vengu nënvizoi se, vendosja e kapitalit njerëzor si prioritet përmes përmirësimit të trajtimit financiar të grave dhe burrave në uniformë po reflektohet në rritjen e interesit të të rinjve për t’u bërë pjesë e Forcave të Armatosura.

Forcat e Armatosura po shndërrohen në një strukturë tërheqëse për karrierë jo vetëm për të rinjtë nga jeta civile, por gjithnjë e më shumë edhe për ata që tashmë shërbejnë në uniformë, theksoi Vengu.

Djemtë dhe vajzat në FA po shprehin një interes të shtuar për të vijuar shërbimin duke ndjekur kurset e karrierës, u shpreh Vengu.

Burimi ATSH