Me rastin e vizitës shtetërore të Kryetarit të Shtetit të Kinës Xi Jinping, si edhe pjesëmarrjes së tij në ceremoninë përkujtimore të 80-vjetorit të fitores së luftës së madhe patriote të Bashkimit Sovietik, duke filluar nga data 7 maj do të transmetohet në mediat kryesore të Rusisë, si VGTRK, Rossiyskaya dhe Gazprom-Media Holding, programi i prodhuar nga CMG “Veprat klasike që preferohen nga Xi Jinping-u” (versioni ndërkombëtar).

Në këtë program janë përmbledhur tema si zhvillimi inovativ, lulëzimi kulturor, diversiteti, shkëmbimet e civilizimeve dhe arsimi familjar. Gjithashtu janë përzgjedhur vepra të lashta dhe fjali klasike të Kinës, të cituara në fjalime, artikuj dhe bisedime të Kryetarit Xi Jinping, duke pasqyruar mençuritë politike, kultivimin e thellë filozofik dhe emocionet e larta kulturore të tij.

Nga 7 maji, posteri i programit “Veprat klasike që preferohen nga Xi Jinping-u”(versioni ndërkombëtar) do të transmetohet vazhdimisht në ekranet e mëdha të distriktit qendror administrativ të Moskës. Qarqet e ndryshme të Rusisë shprehën mikpritjen e tyre për këtë program. Ata janë të mendimit se kjo do të hapë një dritare mendimesh për qytetarët rusë, për njohjen më të thellë të mençurisë së Kryetarit Xi në qeverisje, për njohjen e kulturës së thellë të Kinës, për përforcimin e miqësisë Rusi-Kinë dhe për injektimin e fuqisë kulturore në nxitjen e lidhjeve miqësore mes dy palëve.

Burimi CGTN