Ministri i Ekonomisë, Kulturës dhe Inovacionit, Blendi Gonxhja zhvilloi në mjediset e MEKI një takim me Ambasadoren e Kinës në Shqipëri, Pang Chunxue së bashku me ekipin e saj.

“Një takim me diskutime mbi sfidat tona, për rritjen e bashkëpunimit mes shteteve tona, me interes reciprok, në fushën ekonomike dhe kulturore”, shkruan ministri Gonxhja në rrjetet sociale.

POSTIMI I MINISTRIT GONXHJA

Kënaqësi të mirëprisja në një vizitë zyrtare Ambasadoren e Kinës në Shqipëri, Znj.Pang Chunxue së bashku me ekipin e saj, për t’i njohur me vizionin dhe misionin e Ministria e Ekonomisë, Kulturës dhe Inovacionit.

Një takim me diskutime mbi sfidat tona, për rritjen e bashkëpunimit mes shteteve tona, me interes reciprok, në fushën ekonomike dhe kulturore.

Synojmë të rrisim turizmin dhe tregtinë, të shkëmbejmë praktika të mira në sektorët që sjellin përfitime të qendrueshme dhe në respekt të politikave respektive zhvillimore.