Agjencia për Media dhe Informim (MIA) theksoi sot se Shqipëria nga një sistem arsimor me shkolla të amortizuara dhe mundësi të kufizuara, ka kaluar drejt një arsimi modern që investon te nxënësit, mësuesit dhe e ardhmja e vendit.

Sipas MIA-s në vend janë ndërtuar mbi 450 shkolla të rindërtuara ose të rikonstruktuara, laboratorë inteligjentë, libra falas, paga më të larta për mësuesit, digjitalizim i shërbimeve dhe universitete gjithnjë e më të lidhura me standardet europiane.

“Arsimi profesional dhe ai i lartë po afrohen gjithnjë e më shumë me tregun e punës, ndërsa bashkëpunimet ndërkombëtare krijojnë mundësi të reja për studentët shqiptarë”, theksoi MIA.

MIA nënvizoi se synimi për vitin 2030 është i qartë, një sistem arsimor modern, konkurrues dhe plotësisht i integruar në hapësirën europiane të arsimit, që u jep të rinjve njohuritë dhe aftësitë për të ndërtuar të ardhmen e tyre.

Burimi ATSH