Kryetarja e Kuvendit, Lindita Nikolla priti sot në takim pune anëtaren e Këshillit Koordinues të Diasporës, Anila Hyka Smorgrav me të cilën shkëmbyen mendime mbi çështjet më të rëndësishme që lidhen me këtë këshill.

Në takim ishte i pranishëm edhe Lavdrim Krashi, kryetar i Nënkomisionit të Kuvendit për Diasporën dhe Migracionin.

“Diskutuam disa aspekte të bashkëpunimit me Diasporën dhe ndryshimet në Kodin Zgjedhor mbi votimin e Diasporës”, bëri të ditur Nikolla në rrjetet sociale.

Këshilli Koordinues i Diasporës ka një prej prioriteteve të punës së vet mundësimin e votimit nga jashtë Shqipërisë për shtetasit shqiptarë, e drejtë kjo që garantohet me Kushtetutën e Shqipërisë dhe Kodin Zgjedhor.