Kryeministrja italiane, Giorgia Meloni ka planifikuar të zhvillojë një vizitë në Tiranë me 5 qershor, sipas “Agenzia Nova”.

Vizita e kryeministres Meloni u bë e ditur nga mediet italiane.

Sipas burimeve, diskutimet do të fokusohen në kampin që do të ngrihet në Gjadër për të pritur emigrantët, sipas marrëveshjes së nënshkruar më herët nga të dy vendet.

Verën e kaluar, kryeministrja italiane Giorgia Meloni ishte në një vizitë jozyrtare në Vlorë së bashku me familjarët e saj, pak muaj para finalizimit të marrëveshjes për emigrantët në Romë gjatë vizitës së kryeministrit Edi Rama.