Parlamenti turk ka miratuar marrëveshjen me Shqipërinë për njohjen në të dy vendet të lejeve të drejtimit.

Lajmi u bë me dije sot nga ninistri për Europën dhe Punët e Jashtme, Igli Hasani gjatë konferencës së përbashkët për mediet me homologun e tij turk.

“Përshëndesim miratimin nga Parlamenti turk të marrëveshjes për Njohjen Reciproke të Lejeve të Drejtimit dhe mirëpresim sa më parë hyrjen të saj në fuqi”, deklaroi kryediplomati shqiptar.

Ministri i Jashtëm turk, Hakan Fidan zhvilloi sot një vizitë zyrtare në Tiranë në kuadër të një turi në rajon.