“Na duhet të riformësojmë rendin global” – theksoi Presidenti francez Emmanuel Macron gjatë fjalës së tij në Forumin Ekonomik Ndërkombëtar pasi sipas tij, demokracitë janë në rrezik.

Bëri thirrje që të shtohen investimet në Shqipëri, duke i thënë atributet kryeministrit Edi Rama për gjithçka ka bërë përgjatë 12 viteve në pushtet.

“Shqipëria është pikë kyçe në Mesdhe dhe Europë, ndaj inkurajoj të investoni në Shqipëri sepse keni një udhëheqje të fortë e nuk flas sepse është thjesht miku im, por ka sjellë rezultate. Dua të jeni të sigurtë se ne si europianë do të japim rezultate, tani që kemi një linjëzim të fortë Francë-Gjermani, ju lutem besojini Europës për të realizuar këtë axhendë kaq ambicioze për të krijuar sa më shumë stabilitet”, përfundoi Macron.