Ministrja e Shtetit për Administratën Publike dhe Antikorrupsionin, Adea Pirdeni mori pjesë sot në mbledhjen e Këshillit të Çështjeve të Përgjithshme në Bruksel, ku u diskutua progresi i Shqipërisë në fushën e shtetit të së drejtës.

Përmes një videomesazhi, Pirdeni bëri të ditur se në takim u vlerësua avancimi i Shqipërisë në fushën e shtetit të së drejtës.

“Sot një tjetër ditë e rëndësishme për Shqipërinë në Bruksel. Vendet anëtare të Bashkimit Europian në Këshillin e Çështjeve të Përgjithshme vlerësuan avancimin e Shqipërisë në fushën e shtetit të së drejtës. Për një reformë në drejtësi që konsolidohet dita-ditës, për një luftë më të fortë kundër korrupsionit dhe për një balancë të qëndrueshme dhe më të përgjegjshme midis pushteteve”, u shpreh Pirdeni.

Ministrja Pirdeni siguroi se procesi i anëtarësimit avancon me ritme të shpejta dhe puna vazhdon për Shqipërinë 2030 në Bashkimin Evropian.

Burimi ATSH