Kryeministri Edi Rama propozoi sot organizimin e e përvitshëm të një panairi për startup-et.

Gjatë prezantimit të fituesve të startup dhe Startup Grant2024, Rama u njoh me projektet e ndryshme novatore të prezantuara nga përfaqësuesit e kompanive të startup.

Ndërsa vlerësoi këto projekte, Rama veçoi rëndësinë e një prezantimi më të gjerë të tyre jo vetëm për publikun por edhe për kompanitë e interesuara për bashkëpunim.

Burimi ATSH

“Që të gjitha këto projekte të shihen mund të organizohet një panair njëjavor ku të gjitha kompanitë dhe njerëzit e interesuar vijnë dhe shohin e dëgjojnë prezantime. Pra krijohet një hapësirë ku krijohen shumë më tepër shanse ku ju të gjeni bashkëpunime me njerëzit e duhur”, tha Rama.

Kryeministri theksoi se panairi i startup-eve shqiptare mund të organizohet që vjeshtën e këtij viti.