Drejtoria e Përgjithshme e Tatimeve bëri të ditur se agjencia ndërkombëtare e vlerësimit Moody’s ka përmirësuar perspektivën e Shqipërisë nga “e qëndrueshme”, në “pozitive”, duke konfirmuar njëkohësisht vlerësimin sovran “Ba3”.

Sipas Tatimeve, në vlerësimin e Moody’s janë evidentuar si faktorë pozitivë performanca e të ardhurave buxhetore dhe zbatimi i Strategjisë Afatmesme të të Ardhurave (MTRS).

Administrata Tatimore thekson se përmirësimi i perspektivës lidhet me forcimin e financave publike dhe përparimin e reformave, duke e konsideruar këtë zhvillim si pjesë të përpjekjeve të Shqipërisë në rrugën drejt integrimit në Bashkimin Evropian.

Moody’s vijon ta mbajë vlerësimin sovran të Shqipërisë në nivelin “Ba3”, ndërsa ndryshimi i perspektivës sinjalizon një vlerësim më pozitiv për ecurinë e ardhshme të profilit financiar të vendit.

Burimi ATSH