Kryeministri Edi Rama u shpreh sot se diaspora mbetet një mbështetje e rëndësishme edhe në aspektin e drejtpërdrejt financiar për vendin.

Në takimin vjetor të Këshillit Koordinues të Diasporës, Rama solli në vëmendje disa statistika që dëshmojnë këtë fakt.

Kryeministri theksoi se këtë vit, Banka e Shqipërisë ka regjistruar një rritje të konsiderueshme të dërgesave të emigrantëve në euro krahasuar me një vit më parë.

“Janë afro 100 milionë euro plus nga një vit më parë ku dërgesat më të mëdha janë nga Italia, Greqia dhe SHBA”, theksoi Rama.

Kjo, sipas tij, “i bashkohet prurjes domethënëse të të ardhurave të rritjes sonë ekonomike që është rezultat patjetër i një sërë reformash të rëndësishme, por mbi të gjitha rezultat i pozicionimit të ri politik të Shqipërisë”.

Burimi ATSH