Drejtoresha e Agjencisë Kombëtare të Shoqërisë së Informacionit (AKSHI), Linda Karçanaj priti sot në takim Yves Belliveau, përfaqësues i Ambasadës kanadeze në Itali dhe Gregory Bunghardt nga departamenti i Sigurisë Publike të Kanadasë.

Drejtoresha e Agjencisë Kombëtare të Shoqërisë së Informacionit (AKSHI), Linda Karçanaj priti sot në takim Yves Belliveau, përfaqësues i Ambasadës kanadeze në Itali dhe Gregory Bunghardt nga departamenti i Sigurisë Publike të Kanadasë.

Karçanaj informoi se temë e takimit ishte siguria kibernetike dhe mbrojtja ndaj kërcënimeve të afërta.

“Ndërkohë u ndalëm edhe një herë te përvoja jonë në përballimin e sulmit të korrikut të dy viteve më parë, ku reagimi i menjëhershëm bëri që të dilnim nga ajo situatë me kosto minimale. Kolegët kanadezë, duke folur për situata të ngjashme dhe rreziqe të mundshme, thanë se aktualisht, në vendin e tyre, po punohet për përmirësimin e legjislacionit dhe hartimin e një plani veprimi për përballimin e sulmeve kibernetike”, u shpreh Karçanaj.
Lidhur me përdorimin e rrjetit social TikTok, Karçanaj bëri të ditur se “Kanadaja ka ndaluar shkarkimin dhe përdorimin e këtij aplikacioni në telefonat e punës të zyrtarëve qeveritarë”.

“Ndër të tjera, ndamë progresin dhe sfidat e inteligjencës artificiale, duke u përqendruar te rëndësia e krijimit të një kuadri rregullator që promovon përdorimin e saj në mënyrë të përgjegjshme, pa frenuar potencialin inovativ që ajo sjell. Një tjetër takim shumë frytdhënës ky i sotmi, për të mësuar dhe ndarë përvojat me njëri-tjetrin dhe për të vazhduar më tej me hapa konkretë në bashkëpunim”, tha Karçanaj.