Korporata Energjetike e Shqipërisë ka filluar që nga mëngjesi i sotëm, të ofrojë sasi energjie për Korporatën Energjetike të Kosovës (KEK), për të përballuar situatën e krijuar me njësitë prodhuese të energjisë në Kosovë.

Kjo vjen si vijim i marrëveshjes së shkëmbimit dhe marrëdhënieve te bashkëpunimit midis dy korporatave.

Ministrja e Ekonomisë së Kosovës, Artane Rizvanolli, shprehu falenderime për ndihmën që KESH, po i jep Kosovës në këtë moment të vështirë.

“Gjithashtu dua të falënderoj me këtë rast, Korporatën Elektroenergjitike Shqiptare, KESH, që në ato momente të vështira kishte gatishmërinë për të na ndihmuar”, shkroi Rizvanolli në rrjete sociale.

Nga ana e saj KESH njofton se, do vazhdojë të ndihmojë deri në mbrëmje KEK, por edhe në ditët në vijim nëse do ketë nevojë.

Kanali i ujit Ibër-Lepencit në veri të Kosovës që furnizon me ujë nga Liqeni i Ujmanit disa qytete të vendit, si dhe Korporata Energjetike e Kosovës për ftohjen e termoelektranave të saj është hedhur në erë mbrëmjen e 29 nëntorit në fshatin fshatin Varagë të komunës së Zubin Potokut, në veri . Si pasojë e shpërthimit gjatë natës u ndërpre furnizimi me ujë të pijshëm si dhe energjia elektrike e qeveria arriti të rikthente sot në mëngjes furnizimin e rregullt me energji elektrike për vendin dhe ngrohje qendrore për qytetarët e kryeqytetit, Prishtinë.

(ATSH)