Balluku, Denaj dhe Kumbaro në Suç të Klosit: Mbështetje për bashkimin e fermerëve

Me mbështetjen edhe të Dioqezës Rrëshen fermerët kanë kultivuar një sipërfaqe prej afro 4 hektarësh me vreshtari.


Në fshatin Suç të bashkisë Klos një grup fermerësh janë bashkuar për ngritjen e një sipërfaqeje me vreshtari.

Me mbështetjen edhe të Dioqezës Rrëshen fermerët kanë kultivuar një sipërfaqe prej afro 4 hektarësh me vreshtari.

Fermerët kanë përzgjedhur për të kultivuar një varietet, i cili i përshtatet terrenit të zonës, ndërsa synohet që të zgjerohet sipërfaqja e mbjellë, ku përfshihet edhe ndërtimi i një kantine vere.

Zëvendëskryeministrja, Belinda Balluku, së bashku me ministren e Bujqësisë dhe Zhvillimit Rural, Anila Denaj dhe ministren e Turizmit dhe Mjedisit, Mirela Kumbaro vizituan investimin e realizuar ku biseduan edhe me fermerët të cilët kanë marrë këtë iniciativë.

Bashkimi i fermerëve është një shembull i mirë pasi krijon mundësi që jo vetëm të zgjerojnë sipërfaqet e mbjella, por të ulin edhe kostot, si dhe krijon akses për të tërhequr më tepër paketa mbështetëse.

“Këtu kemi një SHBB, ajo që ne mundohemi ta promovojmë dhe mundohemi të themi që nëse ju krijoni këtë SHBB do jetë shumë më lehtë që të keni akses në paketat e subvencioneve”, tha Balluku.

Duke shprehur mbështetjen për të gjitha këto iniciativa, zëvendëskryeministrja bëri të ditur se “Qeveria shqiptare është duke punuar për të zgjidhur një herë e mirë problematikën e pronësisë së tokës bujqësore që ju bënë pastaj të mundshme edhe të gjitha subvencionet dhe mbështetjet financiare”.

Bashkimi i fermerëve krijon mundësi edhe për automatizimin e proceseve, bëri të ditur ministrja Denaj, duke shtuar se në skemën e subvencioneve SHBB-të kanë mundësi të përfitojnë mbështetje të plotë financiare. “Duhet të mendojmë në masë dhe shkallë të madhe që fillojmë dhe të investojmë për automatizimin”, tha Denaj.

Zhvillimi i bujqësisë, por edhe peizazhi që ofron zona, shton mundësitë që kjo pikë të kthehet edhe në një destinacion për vizitorët. “Dikur bujku apo blegtori ishte prodhues. Ideja është që të prodhosh për ta ofruar edhe si ofertë turistike. Ky është sekreti, kjo është edhe e ardhmja”, u shpreh Kumbaro.

Lufta, te pragu?

Izraeli dhe Irani, në një rajon të nxehtë sic është Lindja e Mesme kanë njohur së bashku raporte komplekse me…

Global 360

Izraeli kërkon mbledhjen e Këshillit të Sigurimit pas sulmit të Iranit

Izraeli ka kërkuar që Këshilli i Sigurimit i OKB-së të mbajë një mbledhje urgjente sot për të dënuar sulmin e…

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Lufta, te pragu?

Izraeli dhe Irani, në një rajon të nxehtë sic është Lindja e Mesme kanë njohur së bashku raporte komplekse me…

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Lufta, te pragu?

Izraeli dhe Irani, në një rajon të nxehtë sic është Lindja e Mesme kanë njohur së bashku raporte komplekse me…