Ministri i Shtetit për Pushtetin Vendor, Arbian Maznku, priti sot në takim ambasadorin e Kosovës, Skënder Durmishi.

Mazniku, në një postim në rrjetet sociale, thekson se në fokus të diskutimeve ishte mundësia e bashkëpunimit në nivel vendor mes dy vendeve.

“Me mikun tonë në Shqipëri, Ambasadorin e Kosovës, Skënder Durmishi dhe Këshilltarin Burim Susuri në një bisedë shumë interesante për bashkëpunimin në nivel vendor mes dy vendeve.

Bashkë do të ndajmë eksperiencat më të mira të njëri-tjetrit, ku një prej tyre është patjetër bashkëpunimi për përfitimin e fondeve për projektet e Bashkimit Europian”, shkruan Mazniku.

“Folëm gjithashtu edhe për politikën që do të zbatojmë në Shqipëri në lidhje me financimin e pushtetit vendor mbi bazën e performancës si një shtysë për të performuar më mirë dhe për t’i shërbyer më cilësisht qytetarëve tanë”, përfundon Mazniku.

(Marrë nga ATSH)