Kryeministri Edi Rama i ka uruar sot mirëseardhjen sot në Shqipëri Sekretarit Amerikan të Shtetit, Antony Blinken, i cili viziton sot për herë të parë vendin tonë.

Blinken pritet të mbërrijë në Shqipëri rreth orës 11:00 dhe pritet të qëndrojë deri në 20:00.

Në kuadër të kësaj vizite, Sekretari Blinken do të zhvillojë një takim dhe më pas konferencë për shtyp me Kryeministrin Edi Rama.

Takimi dhe konferenca janë parashikuar në harkun kohor 16:00-19:00.

Fokusi i kësaj vizite pritet të jetë e ardhmja e Shqipërisë dhe e ardhmja e Ballkanit Perëndimor.

Sekretari Blinken do të takohet edhe me Presidentin Bajram Begaj, dhe gjithashtu do të zhvillojë edhe një takim me të rinjtë tek Piramida.