Zëvendësministrja e Drejtësisë, Elona Hoxha, mori pjesë në tryezën e dialogut politik e teknik të OSBE-së për parandalimin e përfshirjes së të rinjve në krimin e organizuar.

E pranishme në këtë takim, së bashku me drejtoreshën e QPKMR (Qendra për Parandalimin e Krimeve të të Miturve dhe të Rinjve), Klaudia Hasanllari, Hoxha theksoi nevojën për një qasje të integruar ndaj të rinjve në konflikt me ligjin, përmes programeve rehabilituese, riintegruese dhe fushatave ndërgjegjësuese për mbrojtjen dhe orientimin e tyre.

Hoxha nënvizoi se Ministria e Drejtësisë mbetet e angazhuar për hartimin e politikave të efektshme për parandalimin e kriminalitetit dhe fuqizimin e të rinjve për një të ardhme më të mirë.

Burimi ATSH