Nga Blendi Gonxhja

Dritan Mezini, një sipërmarrës dhe lider i dalluar në fushën e teknologjisë dhe biznesit, ka lënë një gjurmë të pashlyeshme në botën e biznesit dhe inovacionit. Si themelues dhe drejtor ekzekutiv i “DM Consulting Services” në Shqipëri dhe Kosovë, dhe bashkë-themelues i portalit duapune.com, Dritani ka kontribuar ndjeshëm në zhvillimin e sektorit të teknologjisë dhe sipërmarrjes në rajon. Me një karrierë të pasur prej më shumë se 30 vjetësh, ai solli një ekspertizë të rrallë dhe një pasion të pakompromis në fushën e transformimit digjital, tregtisë elektronike, menaxhimit të projekteve dhe burimeve njerëzore.

Anëtar aktiv i shumë shoqatave profesionale dhe të biznesit, alumni i programit Fulbright dhe ILVP, dhe mbajtës i shumë pozicioneve udhëheqëse, Dritani jo vetëm që kontribuoi në zhvillimin profesional dhe ekonomik, por edhe frymëzoi shumë të rinj dhe profesionistë të tjerë me pasionin dhe përkushtimin e tij.

Si folës publik dhe trajner, Dritan Mezini ndikoi pozitivisht në shumë individë, duke ndarë njohuritë dhe përvojat e tij në përdorimin e teknologjisë për një biznes të suksesshëm.

Puna e tij do të jetojë përmes ndikimit të tij të zgjuar, të zgjeruar dhe kontributit të çmuar në fushën e teknologjisë dhe sipërmarrjes!

PS. Foto selfie e tij mbrëmë, pas tryezës së Këshillit Ekonomik Kombëtar, në inaugurimin e Shtëpisë së Biznesit, KUBI! ?
#LamtumirëDritanMezini #Respekt