Ambasadorja amerikane në Tiranë, Yuri Kim, priti sot prokurorët e SPAK në “Ryerson House” në selinë e ambasadës të cilët, siç u shpreh ajo në një postim në Twitter i falënderoi dhe u shprehu respektin për guximin dhe profesionalizmin e tyre në përballjen e korrupsionit dhe krimit të organizuar gjatë 3 viteve të fundit.

“Tani është koha për të intensifikuar ato përpjekje dhe për t’i dhënë fund mënyrave të vjetra të mosndëshkimit”, u shpreh Kim.

“SPAK po jep gjithnjë e më shumë rezultate që tregojnë se askush – pavarësisht sa i pasur apo i fuqishëm – nuk është mbi ligjin. SHBA do të vazhdojë të mbështesë fuqimisht reformën në drejtësi, përfshirë SPAK-un, sepse duam një aleat të fortë, të sigurt dhe të begatë, dhe sepse besojmë ashtu si populli shqiptar: Shqipëria i përket Europës”, shkroi Kim.

1/2 It was an honor to invite 🇦🇱 @SPAK_Albania prosecutors to 🇺🇸 Ryerson House. We express thanks & respect to these extraordinary prosecutors for their courage & professionalism in confronting corruption & organized crime over the past 3 yrs. Now is the time to intensify those… pic.twitter.com/wMQHBiCDN0

— Ambassador Yuri Kim (@USAmbAlbania) May 15, 2023