Organizata mjedisore ‘REC Albania’, zhvilloi projektin “Triada e Trashëgimisë së Arbërit” me një eksperiencë të paharrueshme në kampingu në Kepin e Rodonit, një prej siteve të restauruara përmes programit EU4Culture.

‘REC Albania’ është një organizatë mjedisore që promovon zhvillimin e qëndrueshëm. Projekti i saj, “Triada e Trashëgimisë së Arbërit”, vë në pah disa nga monumentet kulturore dhe natyrore të anashkaluara, si Kisha Manastir në Rubik, Ura e Kurçajt dhe Kisha e Shën Ndout në Kepin e Rodonit, duke ndërthurur edukimin, turizmin e qëndrueshëm dhe ndërgjegjësimin mjedisor për të angazhuar të rinjtë dhe komunitetet lokale.

Kjo nismë mbështetet nga programi i granteve të EU4Culture, financuar nga Bashkimi Evropian, zbatuar nga UNOPS, në bashkëpunim të ngushtë me Ministrinë e Ekonomisë, Kulturës dhe Inovacionit.

Burimi ATSH