Sot në Bujanoc u zhvillua Konferenca IV “Ekonomia shpëton Luginën”.

Konferenca mblodhi përfaqësues të biznesit, investitorë, institucione, organizata dhe përfaqësues të diasporës shqiptare, me fokus zhvillimin ekonomik të Luginës së Preshevës, nxitjen e investimeve, forcimin e partneriteteve të biznesit dhe përfshirjen e diasporës shqiptare në iniciativa konkrete zhvillimore.

Ambasada e Republikës së Shqipërisë në Serbi u përfaqësua nga Këshilltarja znj. Elona Dedi.

“Në fjalën e saj, znj. Dedi theksoi gatishmërinë e Ambasadës për të qenë pjesë aktive e këtij procesi në krijimin e lidhjeve dhe të lehtësojë komunikimin me institucionet dhe aktorët ekonomikë në Shqipëri. Ambasada e RSH-së do të vazhdojë të krijojë ura dhe të mbështesë çdo nismë që kontribuon në zhvillimin ekonomik të Luginës”, shkruan ambasada shqiptare.

Konferenca u organizua nga Unioni I Afaristëve Vizioni -PMB.