Kryeministri, njëherësh kryetari i Partisë Socialiste, Edi Rama gjatë një bashkëbisedimi sot me pedagogë dhe studentë të Universitetit të Vlorës u ndal tek disa dhëna lidhur lidhur me eksportet, investimet e huaja direkte, borxhin publik si dhe tatimin mbi fitimin tek bizneset e vogla.

“Sot kemi trefishin e eksporteve krahasuar me fillimin e punës sonë. Ne flasim në miliardë euro, nga 2,8 miliardë euro në 2013 në 2024 kemi 9,1 miliardë euro”, tha Rama.

Lidhur me investimet e huaja direkte, Rama theksoi se “çdo krahasim me të kaluarën këtu është i tepërt, ndërkohë që pasi dëgjoni shumë jo Maqedonia e Veriut, Serbia, mesatarja e rajonit në investime të huaja direkte është 6,1% e prodhimit të brendshëm, në Shqipëri është 8%”.

Në lidhje me borxhin publik, Rama tha se “këtu kemi borxhin zyrtar, ndërkohë që kur ne morëm detyrën ishte edhe një borxh i fshehur e ngre shumë më tepër këtë shifër ishte borxhi ndaj të gjitha kompanive të kontraktuara nga shteti për investime apo për shërbime, të cilat ishin në prag të falimentimi. Punët kishin ndaluar të tëra dhe ai borxh ishte 700 milionë euro në total”.

“Sot jemi në 54,0% dhe projeksioni ynë është që borxhin ta çojmë tek 50% që është një shifër normale dhe më mirë se sa mesatarja e BE-së”, shtoi Rama.

Sa i përket taksimit të ndershëm, Rama tha se “kemi bërë ndryshim me tatimin duke kaluar në taksën e sheshtë në taksën progresive dhe faktikisht kemi hequr 57% të të punësuarve nga paga tatimore ndërkohë të gjithë të punësuarit e kishin pagën tatimore 10%”.

“Biznesi i vogël, jemi i vetmi vend në rajon se në Europë nuk bëhet fjalë me një tavan 140 mijë euro xhiro dhe e dyta pa tatim fitimin, pra zero tatim fitimin. ndërkohë që në tavanin 100 mijë euro xhiro kemi edhe 0% TVSH”, tha Rama.

Burimi ATSH