Kryeministri, njëherësh kryetari i Partisë Socialiste, Edi Rama zhvilloi sot pasdite një takim me të rinjtë e njësive 1, 2 dhe 3 në kryeqytet.

Në një video të postuar në rrjetet sociale, Rama falënderoi vajzat e djemtë e këtyre njësive ndërsa u shpreh se në 11 maj është takimi me historinë europiane të Shqipërisë.

“Faleminderit vajza e djem dhe forca, drejt takimit me historinë europiane të Shqipërisë më 11 maj”, shkroi Rama.

Në takimin me të rinjtë Rama vlerësoi veçanërisht angazhimin e atyre që votojnë për herë të parë.

“Unë kaq votues për herë të parë në takime që bëjmë ne nëpër shtabe e nëpër zona, unë mbaj mend në zgjedhjet vendore të 2007. Dhe fakti që ka kaq shumë vajza dhe djem votues për herë të parë, që janë pranë dhe po angazhohen është një fakt shumë pozitiv”, tha Rama.

Burimi ATSH