Kryeministri Edi Rama bëri të ditur sot se nga e hëna nis shpërndarja e Bonusit të Pranverës për mbi 730 mijë pensionistë brenda dhe jashtë vendit.

“Bonusi i Pranverës nis shpërndarjen nga e hëna për 730430 pensionistë, brenda a jashtë vendit, pranë çdo pike të Postës Shqiptare dhe bankave të nivelit të dytë”, u shpreh Rama në rrjetet sociale.

Nga kjo politikë mbështetëse përfitojnë 730430 pensionistë. Për pensionet bazë deri në 20,000 lekë bonusi është 10 mijë lekë. Për pensionet mbi 20,000 lekë bonusi është 5 mijë lekë.

Bonusi mund të tërhiqet deri më 30 shtator 2025.

Ndërkohë për të gjithë pensionistët që nuk kanë tërhequr ende bonusin e fundvitit, mund ta tërheqin atë deri më 30 qershor 2025.

Qeveria ka premtuar rishikim të skemës brenda këtij viti, me qëllim rritjen e pensioneve të ulëta.

Burimi ATSH