Kryeministri Edi Rama e vuri theksin sot në konferencën për shtyp të fundvitit me gazetarët edhe tek ndërtimi i hekurudhave.

Rama tha se “jemi në kushtet kur kemi filluar të ndërtojmë hekurudhat në Shqipëri. Hekurudha Tiranë-Durrës është në masën 80% të punimeve, kemi dorëzuar projektin paraprak në WBF, që është qendra që shqyrton dhe financon projektet për llogari të Bashkimit Evropian, projektin e përzgjedhjes së gjurmës hekurudhore Shkodër- Gjakovë, pra hekurudha Durrës-Prishtinë”.

“Për hekurudhë Vorë –Hani i Hotit është firmosur kontrata midis hekurudhës shqiptare dhe Bankës Evropiane për Rindërtim e Zhvillim. Hekurudha Rrogozhinë- Pogradec është dorëzuar projekti final dhe pritet granti i asistencës teknike nga WBF. Hekurudha Durrës-Rrogozhinë është mbyllur faza e dytë e prokurimit dhe në janar do të vijohet me negocimin e kontratës”, theksoi Rama.

Kreu i qeverisë informoi se “është dorëzuar drafti paraprak dhe projektimin dhe gjithë elektrifikimin e Korridorit 8 në funksion të hekurudhës”.