Kryeministri Edi Rama tha sot se për portin e ri të Durrësit është rishpallur gara ndërkombëtare për ndërtimin e tij.

Në konferencën e fundvitit me gazetarët, Rama theksoi se kjo garë u rishpall, pasi në shpalljen e parë si rezultat edhe i një supervizimi shumë të fortë të vendosur, u gjetën pasaktësi.

“Bëhej fjalë për një numër të madh kompanish të mëdha ndërkombëtare dhe u rikthye për të saktësuar çdo gjë sepse do të jetë faktikisht për pas shumë e shumë vitesh një port i ri që nis nga e para dhe jo si zgjerim apo adaptim në Evropë se të gjithë portet e tjera janë porte që janë ndërtuar në shumë kohë”, u shpreh Rama.

“Ky do të jetë një port që do të nisë nga e para gjithë eksperienca nevojat e adresuara e bëjnë një vepër arti në fushën e infrastrukturës publike”, tha Rama.

“Jemi në terma shumë pozitivë edhe me NATO-n. Kërkesa jonë ka kaluar procesin e vlerësimit teknik, ka marrë vlerësimin më pozitiv dhe tani është në tryezën e vlerësimit strategjik se kështu janë stadet e vlerësimit”, tha Rama.

Lidhur me aeroportin e Vlorës, Rama tha se “ambicia është që sezonin e ardhshëm të fillojnë fluturimet e para”.

Burimi ATSH