Kryeministri Edi Rama zhvilloi sot një bisedë me kryeministrin e sapozgjedhur britanik, Keir Starmer.

Rama ndau në rrjetet sociale një foto të realizuar gjatë bisedë së tij të parë me kryeministrin e sapozgjedhur britanik, Keir Starmer, në një nga parqet e mahnitshme të pallatit ku lindi e kaloi një pjesë të jetës së vet legjendare, paraardhësi i tij Winston Churchill.

(ATSH)

Kryeministri Rama po merr pjesë në punimet e Samitit të katërt të Komunitetit Politik Evropian në Britaninë e Madhe.

Gjatë samitit janë mbajtur edhe dy tryeza të rrumbullakëta: një për emigracionin e paligjshëm të bashkëdrejtuar nga Xhorxha Meloni (Giorgia) dhe kryeministri Rama; një tjetër për mbrojtjen dhe sigurimin e demokracisë, që u bashkëkryesua nga presidenti Sharl Mishel (Charles Michel) dhe presidenti malazez Jakov Milatoviç.