Kryeministri Edi Rama reagoi sot pas ngjarjes tragjike në Pragë, ku si rezultat i një sulmi me armë në një universitet humbën jetën disa persona dhe u plagosën dhjetëra të tjerë.

Kryeministri Rama nënvizoi se “Shqipëria dënon ashpër dhunën vdekjeprurëse dhe qëndron pranë miqve të saj çekë në këtë kohë të vështirë”.

Rama tha se “sulmi i tmerrshëm në Universitetin Charles në Pragë na ka tronditur të gjithëve”.

“Ngushëllimet e mia shkojnë për familjet e viktimave”, u shpreh Kryeministri.

Disa njerëz u vranë dhe dhjetëra u plagosën nga të shtënat të enjten në Universitetin e Pragës.

Edhe Kryetarja e Kuvendit, Lindita Nikolla shprehu sot ngushëllimet për ngjarjen tragjike në Pragë.

Përmes një mesazhi, Nikolla u shpreh e tronditur nga ngjarja, ndërsa shprehu solidaritetin për popullin dhe autoritetet çeke.

“E tronditur nga ngjarja tragjike në Pragë, u shpreh ngushëllimet dhe solidaritetin familjeve të viktimave, popullit mik çek, Dhomës së Deputetëve, Presidentes Markéta Pekarová Adamová, dhe Senatit e Presidentit Miloš Vystrčil”, shkruan Nikolla.