Presidenti i Këshillit Evropian, Antonio Costa, në konferencën e përbashkët për mediet me Kryeministrin Edi Rama, pas takimit të zhvilluar në Kryeministri, i pyetur nëse e shkon si një objektiv realist dhe qëllim të arritshëm kohor, deklaratën e Kryeministrit Edi Rama dhe synimin që ka Shqipëria për përmbylljen e procesit të negociatave me BE, deri në vitin 2027, me qëllim anëtarësimin me të drejta të plota në familjen europiane në 2030, Costa tha se, “unë besoj se Shqipëria do të bëhet anëtar i BE-së me patjetër dhe nëse ritmi i këtij angazhimi do jetë i lartë, edhe anëtarësimi do të ndodhë edhe më përpara afatit”, tha ai.

“Unë nuk është se po kërkoj ndonjë gjë, ndonjë datë në vetvete magjike, por ne do të shikojmë dita-ditës se çfarë po bën Shqipëria, pra arritjet e Shqipërisë dita-ditës dhe sapo të kemi përfunduar procesin, në ato moment Shqipëria do bëhet shtet anëtar i BE. Madje pse jo, edhe më para se viti 2030, që do të thotë se nëse Shqipëria do të vijojë me këto rezultate, me të njëjtin ritëm, atëherë është tërësisht e mundur që Shqipëria të bëhet shtet anëtar i BE përpara vitit 2030″, theksoi ai.

Costa vuri në dukje se, e gjitha kjo varet nga Shqipëria.

“Nëse do të vazhdoni me të njëjtin ritëm. Unë jam i sigurt që me këtë mesazh të fortë që kam për qytetarët shqiptarë dhe për Ju, Edi, dhe ekipin tuaj, që në muajt në vijim dhe në dy vitet në vijim, jam i sigurt që ju do bëni një punë të shkëlqyer. Vitin tjetër kur të vij për vizitë jam i sigurt që nuk do t’i përgjigjem të njëjtës pyetje, por do të dëgjoj se Shqipëria do të bëhet shtet anëtar i BE -së së shpejti”, deklaroi Costa.