Ambasadorja e Shqipërisë në Rumani, Enkelededa Mërkuri, zhvilloi një takim me Cristian Buşoi, Sekretar Shteti në Ministrinë Rumune të Energjisë.

Të dy palët shkëmbyen mendime mbi mundësitë për të përmirësuar ndërlidhjet rajonale të energjisë, të cilat luajnë një rol kyç në përmirësimin e sigurisë energjetike, mbështetjen e stabilitetit rajonal dhe avancimin e integrimit evropian.

POSTINI I AMBASADËS SHQIPTARE NË RUMANI

🇦🇱 Ambasadorja Enkelededa Mërkuri zhvilloi një takim me Z. Cristian Buşoi, Sekretar Shteti në Ministrinë Rumune të Energjisë.

⚡ Diskutimet u përqendruan në momentumin pozitiv të krijuar nga takimi i CESEC i mbajtur këtë vjeshtë, i cili ofron një kornizë të rëndësishme për forcimin e bashkëpunimit rajonal në sektorin e energjisë dhe zhvillimin e mëtejshëm të partneritetit midis Shqipërisë dhe Rumanisë.

🌍 Shkëmbyen mendime mbi mundësitë për të përmirësuar ndërlidhjet rajonale të energjisë, të cilat luajnë një rol kyç në përmirësimin e sigurisë energjetike, mbështetjen e stabilitetit rajonal dhe avancimin e integrimit evropian.

🇪🇺 Në kontekstin e axhendës së përbashkët evropiane, u riafirmua angazhimi i Rumanisë për të mbështetur transferimin e asistencës teknike dhe ekspertizës gjatë kësaj faze të rëndësishme të procesit të integrimit të Shqipërisë në BE.