Ukraina do të garantojë “furnizimin me energji” për Evropën duke qenë “burimi më i madh i gazit në kontinent”, deklaroi kryeministri i Ukrainës, Denys Shmyhal, në një video-mesazh të dërguar për konferencën që po zhvillohet në Milano për rindërtimin e Ukrainës.
“Kjo ngjarje nuk ka të bëjë vetëm me rindërtimin e Ukrainës, por edhe me krijimin e mundësive të reja për zhvillimin e së ardhmes së Europës”, nënvizoi Shmyhal.
”Italia ka qenë një partnere e fortë ekonomike për një kohë të gjatë”, shtoi ai duke nënvizuar se kontributi i saj është jetik.
“Hyrja e Ukrainës në BE do të rrisë zhvillimin e ekonomisë evropiane përmes burimeve tona natyrore, kapitalit njerëzor, qëndrueshmërisë dhe lokalizimit. Ukraina ka burime strategjike të rëndësishme që mund të forcojnë sigurinë ekonomike të Evropës, përfshirë mineralet dhe rezervat e dyta më të mëdha të gazit në Evropë dhe kapacitetin më të madh të magazinimit në kontinent”, vuri në dukje kryeministri.
Kievi është në një pozicion të favorshëm për t’u bërë një partner kyç i Bashkimit Europian në sigurimin e zinxhirit të furnizimit energjetik dhe industrial për Evropën.
