Grupi negociator për integrimin në Bashkimin Europian diskutoi sot mbi Kapitullin 3: “E drejta e vendosjes dhe liria për të ofruar shërbime”.

Ministri i Shtetit për Pushtetin Vendor, Arbjan Mazniku bëri të ditur se për herë të parë procesi i integrimit po mbështetet edhe nga një program i veçantë i inteligjencës artificiale.

“Në punimet e grupit negociator pas çeljes së Kapitullit 3 të negociatave në rrugën e pandalshme të anëtarësimit të plotë të Shqipërisë në BE. Të gjitha energjitë tona janë të përqendruara në këtë rrugëtim të rëndësishëm dhe me ritëm të shpejtë drejt bashkimit me familjen e madhe europiane, proces i cili, për herë të parë në historinë e tij, po mbështetet edhe nga një program i veçantë i inteligjencës artificiale”, deklaroi ai.

Më herët, gjatë ditës së sotme, Kryenegociatorja e Shqipërisë për integrimin në Bashkimin Evropian, Majlinda Dhuka u shpreh sot, se ekipi negociator dhe institucionet po punojnë me objektiv të qartë për arritjen e kritereve për anëtarësim në BE brenda kësaj dekade.

E pranishme në prezantimin e modulit IA të zhvilluar brenda platformës së integrimit evropian dhe anëtarësimit, e cila përdoret çdo ditë nga më tepër se 1400 ekspertë integrimi që u mbajt sot në Tiranë me pjesëmarrjen e kryeministri Edi Rama, Dhuka vuri në dukje se, synim është që të mbyllen 36 kapitujt deri në fund të vitit 2027.

Shqipëria çeli negociatat për 10 kapituj dy muajt e fundit të 2024-ës dhe përgatitet të çelë këtë pranverë negociatat edhe për 17 kapituj të tjerë, të ekonomisë dhe mirëqenies.