Kryetarja e Kuvendit, Elisa Spiropali mori pjesë në mbrëmjen e organizuar nga Këshilli i Fuqisë së Butë (Soft Power Council UK), me koordinator ish-ambasadorin Alastair King-Smith, ndërsa zhvilloi vizitën zyrtare në Mbretërinë e Bashkuar.

Në mbrëmje merrnin pjesë të ftuar të veçantë e të shquar të fushave të ndryshme, diplomatë, gazetarë, artistë, sportistë dhe liderë të industrisë kreative, si dhe me prezencën e Sekretares së Shtetit për Kulturën, Mediat dhe Sportin, Lisa Nandy dhe Sekretarit të Shtetit për Punët e Jashtme, bashkësinë e Komonuelthit dhe Zhvillimin në Mbretërinë e Bashkuar, David Lammy.

Në një postim në rrjetet sociale, Spiropali tha se “dëgjova me kënaqësi fjalët më të mira për një Shqipëri tërheqëse dhe me potencial të jashtëzakonshëm turistik, kreativ e zhvillimor”.

Burimi ATSH