Presidenti Bajram Begaj ka uruar besimtarët e krishterë për festën e Krishtlindjes.

Në një postim në rrjetet sociale, Begaj shkruan se kjo festë na fton të ndalemi për një çast e të reflektojmë mbi vlerat më të larta të njerëzimit: dashurinë, solidaritetin, mirëkuptimin dhe faljen.

“Të nderuar bashkëqytetarë të krishterë, në këtë ditë të shenjtë të Krishtlindjes, dëshiroj të përcjell përshëndetjet dhe urimet më të përzemërta për ju dhe familjet tuaja!”, shkruan Begaj.

“Krishtlindja, kjo festë e ndritur që simbolizon lindjen e shpresës dhe paqes, na fton të ndalemi për një çast e të reflektojmë mbi vlerat më të larta të njerëzimit: dashurinë, solidaritetin, mirëkuptimin dhe faljen”, vijon urimi i Presidentit Begaj.

“Për të gjitha familjet shqiptare, brenda dhe jashtë vendit, uroj Krishtlindje të gëzuara, shëndet, paqe dhe lumturi! Gëzuar!”, mbyllet urimi i kreut të shtetit, Bajram Begaj.