I Ngarkuari me Punë i Bashkimit Evropian në Tiranë, ambasadori Luigi Soreca zhvilloi sot një takim me Presidentin Bajram Begaj.

Në një postim në rrjetet sociale delegacioni i BE-së bën të ditur se takimi u zhvillua në një moment kyç për zgjerimin e BE-së dhe procesin e integrimit të Shqipërisë në BE.

Soreca e inkurajoi Shqipërinë që të vazhdojë të mbështesë në mënyrë aktive politikën e jashtme, të sigurisë dhe të mbrojtjes të BE-së dhe vlerësoi rolin e Shqipërisë si një aktor konstruktiv rajonal.

“Së bashku me Shqipërinë, ne vazhdojmë rrugëtimin drejt një Evrope më të qëndrueshme, më të sigurt dhe më të begatë”, theksohet në postimin e delegacionit të BE-së.