Ambasadori i Republikës Shqipërisë në Emiratet e Bashkuara Arabe, Ermal Dredha, në përfundim të misionit diplomatik u nderua me Medaljen “Urdhri i Pavarësisë, Klasi i Parë”, akorduar nga Lartësia e Tij, Sheikh Mohamed bin Zayed Al Nahyan, President i Emirateve të Bashkuara Arabe, për kontributin e dhënë në forcimin e marrëdhënive mes dy vendeve.

Aktualisht, Ermal Dredha u votua si kryebashkiaku i ri i Vlorës, në zgjedhjet vendore të 14 majit.

POSTIMI I AMBASADORIT DREDHA

Në përfundim të misionit si Ambasador i Republikës Shqipërisë në Emiratet e Bashkuara Arabe pata nderin e veçantë të pranoj nga Ministri i Shtetit, z. Ahmed Al Sayegh, Medaljen “Urdhri i Pavarësisë, Klasi i Parë”, akorduar nga Lartësia e Tij, Sheikh Mohamed bin Zayed Al Nahyan, President i Emirateve të Bashkuara Arabe.

Motivacioni: Për kontributin e dhënë në forcimin e marrëdhënive mes dy vendeve tona.

Mirënjohës dhe i nderuar ti shërbeja vendit tim, bashkëkombasve të mi, dhe patjetër, forcimit të mëtejshëm të marrëdhënieve mes Shqipërisë dhe Emirateve të Bashkuara Arabe.