Nga Arkitekt Andi Papastefani

Si sot, 103 vjet me pare Tirana u shpall kryeqyteti provizor i shtetit Shqiptar, (ne vitin 1925 u shpall perfundimisht kryeqytet).

Kjo ngjarje ishte nje surprize per shkak se Tirana nuk ishte qyteti me i madh i Shqiperise, por kjo zgjidhje perkonte me profecine e Sami Frasherit i cili preferonte nje qytet me hapsire ne qender te Shqiperise.

Dekadat e para ishin dekada te ndryshimit dhe plot me optimizem.

Zgjidhjet qe u bene ishin ne pergjithesi te drejta, dhe Tirana filloi te fitonte nje fizionomi te nje qyteti bashkekohor.

Arkitektura moderne hyri ne fund te viteve 20 -te, pothuajse ne nje kohe me metropole me te stabilizuara. Qyteti filloi te nderonte shpejt pamjen , gje qe ju ra ne sy dhe e vleresuan dhe te huajt.

Krijimi i aksit te bulevardit dhe ndertimi i ministrive i dha nje llogjike racionale kryeqytetit te ri.

Per kete progres kane kredi komuniteti dhe organet ligjevenese te kohes, si dhe arkitektet dhe inxhinieret vendas dhe te huaj ( kryesisht italiane dhe austriake).

Tiranasit jane nje komunitet mikprites dhe kete e kane treguar gjate gjithe historise. Keshtu qe ne pergjithesi fillimi ishte i mbare. Por gjate egzistences se kryeqytetit, te papriturat dhe dallget nuk munguan.

Sot me dimensionet e nje metropoli pothuajs sa nje e treta e Shqiperise perballet me problematika te shumta.
Rruga e zgjidhjes se tyre eshte kolegjaliteti dhe mendimi konstruktiv. Le te besojme ne kete.