Kisha Katolike ka prezantuar kalendarin zyrtar të aktiviteteve për 130-vjetorin e shpalljes së Zojës së Këshillit të Mirë si Pajtore e Shqipërisë, një moment të veçantë për Kishën dhe gjithë vendin.

Imzot Giovanni Peragine, Arqipeshkëv i Arqidioqezës Shkodër-Pult, Dom Artur Jaku, Rektor i Bazilikës së Nanës së Këshillit të Mirë dhe Dom Mark Pashkja, zëdhënës i Konferencës Ipeshkvore të Shqipërisë bwn tw ditur detaje pwr aktivitetet që do të organizohen në kuadër të 130-vjetorit të shpalljes së Zojës së Këshillit të Mirë si Pajtore e Shqipërisë, si dhe shpalljes së Vitit Jubilar Marian në Bazilikën kushtuar asaj.

Gjatë prezantimit, u theksua rëndësia shpirtërore dhe historike e këtij përvjetori për Kishën Katolike në Shqipëri dhe për mbarë besimtarët, duke e cilësuar këtë vit si një kohë të veçantë hiri, reflektimi dhe ripërtëritjeje shpirtërore.

Ky vit jubilar pritet të mbledhë besimtarë nga e gjithë Shqipëria dhe më gjerë, duke e kthyer Bazilikën e Nanës së Këshillit të Mirë në një qendër të rëndësishme pelegrinazhi dhe përjetimi shpirtëror.

Në kuadër të këtij viti jubilar, Kisha Katolike Shqiptare ka dërguar një ftesë edhe Papa Leonit, si një nder dhe shenjë e rëndësisë së këtij përvjetori.

Marrë nga ATSH