Konkursi i gjuhës shqipe mes shkollave 9-vjeçare po dëshmon një rol të rëndësishëm në promovimin e gjuhës amtare dhe forcimin e kulturës gjuhësore tek të rinjtë.

Ministrja e Arsimit, Mirela Kumbaro, duke vlerësuar këtë nismë, u shpreh se bëhet fjalë për një përballje me fjalën, interpretimin dhe saktësinë gjuhësore, që përcillet me emocione të veçanta për nxënësit pjesëmarrës.

Kumbaro ndau në rrjete sociale momente nga zhvillimi i konkursit të gjuhës shqipe mes shkollave 9-vjeçare, nga rajone të ndryshme të vendit, teksa bëri të ditur se, në aktivitet u përfshinë nxënës nga shkollat 9-vjeçare “Nr. 3”, Laç, Kurbin dhe “Tahir Hoxha”, Klos, si dhe nga shkollat “Rilindja”, Kavajë dhe “Besëlidhja”, Lezhë, të cilët garuan në njohuritë dhe aftësitë e tyre në gjuhën shqipe.

Ky konkurs synon të nxisë dashurinë për gjuhën shqipe, të përmirësojë aftësitë gjuhësore të nxënësve dhe të forcojë identitetin kulturor përmes aktiviteteve edukative dhe konkurruese.

Burimi ATSH