Category: Ministrite

Rreth 60 mijë banorë të bashkisë së Krujës tashmë do të marrin shërbim shëndetësor cilësor, në kushte moderne, pas përfundimit të plotë të rikonstruksionit dhe pajisjes me aparatura të reja të spitalit bashkiak “Stefan Gjoni”.

Universiteti “Ismail Qemali” në Vlorë, në bashkëpunim me Akademinë e Forcave të Armatosura (AFA) ka çelur programin e ri të studimeve Master Profesional në Inxhinieri Armatimi, me profil në Aviacion dhe Naval, një program unik, që hapet për herë të parë në Shqipëri.

Zëvendëskryeministrja dhe njëherësh ministre e Infrastrukturës dhe e Energjisë, Belinda Balluku zhvilloi sot në Bernë, një takim me ministrin Federal të Zvicrës për Transportin, Energjinë dhe Mjedisin, Albert Rösti.

Në Ditën Ndërkombëtare për Veprimin Klimatik dhe në prag të Samitit të Klimës “COP30”, ministri i Mjedisit, Sofjan Jaupaj prezantoi vizionin e Shqipërisë për klimën në 4-vjeçarin e ardhshëm.

Në takimin me punonjës të Shërbimit Zjarrfikës në Durrës, ministrja e Punëve të Brendshme, Albana Koçiu foli mbi forcimin e shërbimit, për garantimin e një reagimi më të shpejtë e më efektiv në çdo situatë emergjente. Në takim ishin edhe kryetarja e bashkisë Durrës, prefekti dhe drejtori i përgjithshëm i Shërbimit Zjarrfikës.

Zëvendëskryeministrja dhe njëherësh ministre e Infrastrukturës dhe Energjisë, Belinda Balluku po zhvillon një vizitë zyrtare në Zvicër së bashku me skuadrën e Ministrisë së Infrastrukturës dhe Energjisë dhe përfaqësues të Hekurudhës Shqiptare për të zhvilluar një takim dypalësh me ministrin Federal për Transportin, Energjinë dhe Mjedisin të Zvicrës.

Ministrja e Arsimit, Mirela Kumbaro zhvilloi një takim me drejtuesit e Drejtorisë Rajonale të Arsimit Parauniversitar të Fierit dhe të Zyrave Arsimore Vendore, ku e vuri theksin tek disa prej prioriteteve të vitit shkollor dhe veçanërisht për vëmendje më të shtuar ndaj programeve që nxisin aktivitetet kreative, artistike dhe frymën në komunitet, siç është programi “Art dhe Zeje”.

Ministri i Bujqësisë dhe Zhvillimit Rural, Andis Salla, vizitoi biznesin e Netës, një ndër operatorët më aktivë në grumbullimin dhe eksportin e frutave e perimeve të sezonit.

Në ditën e dytë të qëndrimit të saj në Izrael, Ministrja për Evropën dhe Punët e Jashtme, Elisa Spiropali, vizitoi qendrën përkujtimore të Holokaustit “Yad Vashem”, ku është dokumentuar përndjekja dhe vrasja e gjashtë milionë hebrenjve gjatë Luftës së Dytë Botërore.

Ministrja e Punëve të Brendshme, Albana Koçiu mbodhi sot në një tryezë diskutimi, gjithë institucionet kryesore që luajnë rol kyç në sigurinë rrugore për hartimin e kuadrit ligjor.