Category: Ditari

Ministri i Bujqësisë dhe Zhvillimit Rural, Andis Salla deklaroi sot se të gjithë strukturat e ministrisë, bashkë me bordet e kullimit dhe veterinarinë, janë angazhuar në terren për evakuimin e bagëtive të rrezikuara nga përmbytjet, me qëllim parandalimin e dëmeve në sektorin e blegtorisë dhe bujqësisë nga moti me reshje intensive të shiut.

Ministria e Mbrojtjes urdhëroi sot evakuim të menjëhershëm të banorëve të njësisë administrative Ferras në bashkinë e Fierit, për shkak të situatës së krijuar nga përmbytjet dhe rrezikut të menjëhershëm për jetën dhe shëndetin e qytetarëve.

Instituti i Gjeoshkencës informoi se sipas llogaritjeve hidrologjike, si rezultat i reshjeve me intensitet të lartë të rëna gjatë ditëve të kaluara dhe ditën e sotme, do të ketë rritje të prurjeve dhe niveleve në lumenjtë Mat, Ishëm, Erzen, Shkumbin, Seman.

Ministri i Financave, Petrit Malaj, në nisje të vitit zhvilloi një takim pune me drejtuesit e Administratës Tatimore dhe asaj Doganore, ku u diskutuan prioritetet kryesore të punës dhe objektivat strategjikë për vitin e ri.

Ministria e Shëndetësisë dhe Mirëqenies Sociale bën me dije se në këtë laborator, teknologjia inovative dhe ekspertiza profesionale bëjnë të mundur identifikimin e viruseve respiratore, në funksion të mbrojtjes së shëndetit publik.

Reshjet e shiut kanë vijuar gjatë natës në të gjithë vendin, ndërsa dëbora ka përfshirë zonat veriore dhe juglindore, duke sjellë vështirësi në qarkullimin rrugor.

Policia e Shtetit u bëri apel sot qytetarëve që të përdorin gomat dimërore dhe zinxhirët në disa akse rrugore në zona malore të vendit.

Ministria e Mbrojtjes urdhëroi sot kryerjen e evakuimit të menjëhershëm të banorëve të njësisë administrative Novoselë, në bashkinë Vlorë.

Ministri i Mbrojtjes Pirro Vengu bëri sot të ditur se lumi Vjosa ka kaluar kuotat maksimale, ndërsa deri tani janë evakuuar 13 familje.

Kryeministri Edi Rama njoftoi sot se gjatë natës për mbarëvajtjen e situatës nga reshjet, të gjitha njësitë operative kanë qenë në terren dhe puna vijon pa ndërprerje për pastrimin e askeve rrugore.