Numërimi i votave ka përfunduar në 2 bashki të qarkut të Beratit, në Poliçan dhe Skrapar, ndërsa vijon në 3 bashkitë e tjera.

Në bashkinë e Poliçanit ka përfunduar procesi i numërimit në të 22 qendrat e votimit.

Sipas të dhënave të publikuara nga Komisioni Qendror i Zgjedhjeve Partia Socialiste ka marrë 67,33% të votave, ndërsa koalicioni PD – Aleanca për Shqipërinë Madhështore ka marrë 21,12% të votave.

E treta renditet koalicioni “Nisma Shqipëria Bëhet” me 8,01% të votave, ndërsa në vend të katërt është Partia Mundësia me 1,61% të votave.

Gjithsej votuan 4847 qytetarë, nga 11594 zgjedhës në lista.

Në bashkinë e Skraparit ka përfunduar procesi i numërimit në të 23 qendrat e votimit.

Sipas të dhënave të publikuara nga Komisioni Qendror i Zgjedhjeve, Partia Socialiste ka marrë 66,46% të votave, ndërsa koalicioni “PD-Aleanca për Shqipërinë Madhështore” ka marrë 29,20% të votave.

E treta renditet koalicioni “Nisma Shqipëria Bëhet” me 2,21% të votave, ndërsa në vend të katërt është Partia Mundësia me 0,68% të votave.

Gjithsej votuan 5611 qytetarë, nga 1184 zgjedhës në lista.