Në bashkitë Delvinë, Finiq, Himarë dhe Konispol të qarkut të Vlorës ka përfunduar tashmë numërimi i votave të zgjedhjeve parlamentare të 11 majit, ndërsa procesi vazhdon në bashkitë Sarandë dhe Vlorë.
Sipas rezultateve paraprake të publikuara në faqen zyrtare të KQZ-së në Delvinë ka përfunduar numërimi në të 22 qendrat e votimit, ku Partia Socialiste ka marrë 2545 vota, ose 58,57% të votave, Koalicioni Partia Demokratike-Aleanca për Shqipërinë Madhështore 1152 vota, ose 26,51 % të votave dhe Partia Socialdemokrate ka marrë 273 vota ose 6,28%.
Në bashkinë Finiq ka përfunduar numërimi në të 50 qendrat e votimit, ku Partia Socialiste ka marrë 2511 vota, ose 60,87% të votave, Koalicioni Partia Demokratike-Aleanca për Shqipërinë Madhështore 1166 vota, ose 28,27% të votave dhe Partia Socialdemokrate ka marrë 219 vota ose 5,31%.
Në bashkinë Himarë ka përfunduar numërimi në të 36 qendrat e votimit, ku Partia Socialiste ka marrë 3196, ose 51,26% të votave, Koalicioni Partia Demokratike – Aleanca për Shqipërinë Madhështore 2370 vota, ose 38,01% të votave dhe Koalicioni Nisma Shqipëria Bëhet ka marrë 358 vota ose 5,74% të votave.
Në bashkinë Konispol ka përfunduar numërimi në të 16 qendrat e votimit, ku Partia Socialiste ka marrë 2231, ose 56,15% të votave, koalicioni Partia Demokratike – Aleanca për Shqipërinë Madhështore 1156 vota, ose 29,10% të votave dhe koalicioni “Nisma Shqipëria Bëhet” ka marrë 380 vota ose 9,56% të votave.
Burimi ATSH
