Presidenti i Republikës, Bajram Begaj i dërgoi sot një telegram ngushëllimi familjarëve të Profesor Sami Repishtit, pas ndarjes së tij nga jeta.

“Të nderuar familjarë të Profesor Sami Repishtit, ju shpreh ngushëllimet e mia të përzemërta për ndarjen nga jeta të të dashurit tuaj, veprimtarit fisnik, shqiptaro-amerikanit, i cili, deri në frymën e fundit, nuk reshti së punuari për çështjen shqiptare”, shkroi Begaj.

“Profesor Repishti ishte ikonë e mbijetesës së regjimit komunist, gjatë të cilit e burgos për t’iu ndaluar liria e fjalës. Ai pati guximin për t’u shprehur i lirë, për të thënë të vërtetën dhe për të luftuar për të drejtën, parime për të cilat nuk bëri kurrë kompromis”, tha Begaj.

“Profesor Repishti e ktheu të gjithë përvuajtjen e tij në përpjekje për të ngritur kauzën shqiptare në Uashington. Shqiptarët e kanë respektuar e do t’i jenë përjetë mirënjohës Profesor Repishtit për jetën dhe veprën e tij frymëzuese”, shkroi Presidenti i Republikës.

(ATSH)