Ministri i Brendshëm Taulant Balla tha sot se, për zbardhjen e ngjarjeve kriminale duhet një angazhim dhe bashkëpunim më i madh i Policisë me qytetarët.

Ministri Balla, duke ndarë në rrjetet sociale një video nga operacionet policore të 24-orëve të fundit, thekson se zbardhja e ngjarjeve kriminale dhe goditja e paligjshmërisë janë detyra të cilat kërkojnë me shumë angazhim dhe bashkëpunim më të ngushtë me qytetarët

“Zbardhja e ngjarjeve kriminale, gjetja dhe ndalimi personave në kërkim nga drejtësia, persona që posedojnë armë pa leje, ata që kryejnë trafiqe të paligjshme, krime mjedisore dhe çdo paligjshmëri tjetër, janë detyra të cilat kërkojnë me shumë angazhim dhe bashkëpunim më të ngushtë me qytetarët. Përgëzime Policisë së Shtetit Tiranë, Durrës, Vlorë, Kavajë, Kuçovë, Morinë dhe Port Durrës për operacionet e zhvilluara gjatë 24 orëve të fundit”, shkruan Balla në postimin e tij.