Nga Dash Frashëri, botues i TiranaDiplomat.com

Java Kulturore e Malit të Zi, si pjesë integrale e projektit madhor Javët Ndërkombëtare të Kulturës, e organizuar nga Ministria e Kulturës e Shqipërisë, rezultoi një sukses i merituar.

Një javë e mbushur me aktivitete kulturore, filma me autor malazez, koncerte e festa, të cilat kanë si qëllim që qytetarët shqiptarë të prekin nga afër vlerat kulturore, artistike e jo vetëm të vendit fqinjë, Malit të Zi.

Java e Kulturës së Malit të Zi, nisi zyrtarisht me takimin midis dy ministreve të Kulturës: Elva Margariti dhe Maša Vlaović, e shoqëruar më pas nga parada e bukur tradicionale “Mažoretknija”, ku performon një bandë muzikore dhe një grup vajzash shumë entuziaste në versionin “chearleader”.

Java Kulturore e Malit te Zi solli edhe shfaqjen e dy filmave malezeze: “Dječaci iz Ulice” (11 korrik) i regjisorit Nikola Vukčevic dhe “Ace of Spades: Bad destiny” (13 korrik) i regjisorit Drasko Djurovic.

Filmi “Ace of Spades: Bad Destiny”,  apo “As pik – losa sudbina”, i regjisorit Drasko Djurovic – është një nga filmat më të njohur të kinematografisë së Malit të Zi, ku luan edhe aktori i Hollivudit, Michael Madsen. Filmi u prit me interes nga publiku i pranishëm tek instalacioni “Reja”, në Tiranë.   

Një prodhim i vitit 2012, me skenar të Obrad Nenezic dhe me aktorë: Predrag Bjelac, Danilo Celebic, Rastko Jankovic, Vojislav Krivokapic, Michael Madsen, Milica Milsa, Mladen Nelevic, Momcilo Otasevic, Marta Picuric, Momo Picuric, Branimir Popovic, Jelena Simic,Branka Stanic, Ana Vujosevic.

Producent është Predrag Karlo Kalezic. Muzika është shkruar nga Mustafa Presheva dhe Ivan Zirojevic.

I vendosur në vitet nëntëdhjetë të shekullit të kaluar, “Ace of Spades: Bad Destiny” eksploron pasojat e luftës mbi protagonistët e saj dhe tragjedinë që bartin ata njerëz. Beli kthehet në qytetin e vogël malazez, pas vitesh burg. Gjatë luftës në ish-Jugosllavi, ai ishte pjesëtar i njësisë paraushtarake Shadows, e cila mori pjesë në ekzekutime mizore.

Filmi u përzgjodh si filmi malazez për Filmin më të Mirë të Huaj (Best Foreign Language Film) në Festivalin e 86-të të Cmimeve të Akademisë, apo Cmimeve “Oscar”. Ishte hera e parë që Mali i Zi paraqiti një film për “Oscar”-in në gjuhën më të mirë të huaj, por ai nuk u nominua.

Java e Malit të Zi u mbyll me koncertin e kuartetit të harqeve të Orkestrës Simfonike të Malit të Zi.